செட்டிநாடு இறால் குழம்பு

செட்டிநாடு இறால் குழம்பு!!!😍😍😍

செட்டிநாட்டு சாப்பாடு என்றாலே சுவை தான் , இந்த சுவையில் மயங்காத ஆளே இல்லை,இந்த சுவைக்கு காரணம் செயற்கையான சமையல் பொருட்களை(ajinomoto ,soya sauce) வைத்து சமைக்கவே மாட்டார்கள்,அனைத்தும் இயற்க்கையான சமையல் பொருட்கள் தான்.அதனால் தான் செட்டிநாடு சாப்பாடு மிக பிரபலமானது .
🍲🍲😋😋🍲🍲

 தேவையான பொருட்கள்:😋

இறால் - 400 கிராம் 
மிளகு - 1 டீஸ்பூன் 
சீரகம் - 1 டீஸ்பூன் 
வெந்தயம் - 1 டீஸ்பூன் 
கடுகு - 1 டீஸ்பூன் 
கசகசா - 1 டீஸ்பூன் 
பெரிய வெங்காயம் - 1 (நறுக்கியது) 
தக்காளி - 1 (நறுக்கியது) 
பூண்டு - 5 பல் (அரைத்தது)
பச்சை மிளகாய் - 5 
மஞ்சள் தூள் - 1 டீஸ்பூன் 
தேங்காய் - 1/2 கப் (துருவியது) 
எண்ணெய் - தேவையான அளவு

செய்முறை: 

முதலில் இறாலை நன்கு கழுவி, அதனை ஒரு பாத்திரத்தில் போட்டு, தண்ணீர், மஞ்சள் தூள் மற்றும் உப்பை சேர்த்து, 10 நிமிடம் கொதிக்க விட்டு, பின் அதில் உள்ள நீரை வடிகட்டி விடவும். பின் ஒரு வாணலியை அடுப்பில் வைத்து, அதில் கடுகு, மிளகு, சீரகம், வெந்தயம் மற்றும் கசகசா சேர்த்து, 2-3 நிமிடம் வறுக்கவும். பிறகு சூடு ஆறியதும், அதனை மிக்ஸியில் போட்டு, சிறிது தண்ணீர் ஊற்றி, நன்கு நைஸாக பேஸ்ட் போல் அரைக்கவும். பின்னர் மற்றொரு வாணலியை அடுப்பில் வைத்து, அதில் எண்ணெய் ஊற்றி, தேங்காயை போட்டு 2-3 நிமிடம் வறுக்கவும். பின் அதனை எடுத்து ஆறியதும், மிக்ஸியில் வறுத்த தேங்காய், பச்சை மிளகாய் போட்டு, நன்கு நைஸாக பேஸ்ட் போல் அரைத்து கொள்ளவும். தேங்காயை வறுத்த அதே வாணலியை அடுப்பில் வைத்து, அதில் வெங்காயத்தை போட்டு பொன்னிறமாக வதக்கவும், பின் அதில் தக்காளி, பூண்டு மற்றும் உப்பு சேர்த்து, 3-4 நிமிடம் வதக்கவும். தக்காளி நன்கு வதங்கியதும், அதில் வறுத்து அரைத்து வைத்துள்ள மசாலாவை போட்டு, 3-4 நிமிடம் வேக வைக்கவும். பின் அதில் தேங்காய் பேஸ்ட் சேர்த்து, 1 கப் தண்ணீர் ஊற்றி, வேக வைத்துள்ள இறாலைப் போட்டு, தீயை குறைவில் வைத்து, 5 நிமிடம் கொதிக்க விட்டு இறக்கவும். இப்போது சுவையான செட்டிநாடு இறால் குழம்பு ரெடி!!! இதனை சாதத்துடன் பிசைந்து சாப்பிட்டால் அருமையாக இருக்கும்.