செட்டிநாடு மீன் வறுவல்

செட்டிநாடு செய்முறையில் தயாரிக்கப்படும் இந்த மீன் வறுவல் செய்வதற்கான குறிப்பு.🙂

தேவையான பொருட்கள்:

    மீன் – 1 /2 கிலோ
    மிளகாய்த்தூள் – 4  தேக்கரண்டி
    தனியாத்தூள் – 5  தேக்கரண்டி
    மஞ்சள்தூள் – 1  தேக்கரண்டி
    எலுமிச்சம்பழம் – 1
    மிளகு – 2  தேக்கரண்டி
    காய்ந்த மிளகாய் – 4
    கடுகு – 1  தேக்கரண்டி
    கடலைப்பருப்பு – 3  தேக்கரண்டி
    உளுத்தம்பருப்பு – 3 தேக்கரண்டி
    கருவேப்பிலை – 2  கொத்து
    எண்ணெய் – 1 1 /2 குழிக்கரண்டி
    உப்பு – தேவையான அளவு

 செய்முறை:

•     மீனை சுத்தம் செய்து கழுவி வைத்துக் கொள்ளவும்.
•     மிளகாய்த்தூள், தனியாத்தூள், மஞ்சள்தூள், உப்பு, எலுமிச்சம்பழச்சாறைப் பிழிந்து பேஸ்ட் போல செய்து கொண்டு, அதில் மீனை நன்கு ஊற வைத்துக் கொள்ளவும். குறைந்தது 1  மணி நேரமாவது ஊற வைக்கவும். இரவு முழுவதும் ஊற வைத்தால் நன்றாக இருக்கும்.
•     மிளகு, காய்ந்த மிளகாய், கடுகு, கடலைப்பருப்பு, உளுத்தம்பருப்பு, கருவேப்பிலை ஆகியவற்றை வாணலியில் தீயாமல் வறுத்து, ஆற வைத்து பொடி செய்து கொள்ளவும்.
•     ஊற வைத்துள்ள மீனை இந்த அரைத்து வைத்துள்ள மசாலாவில் இரண்டு புறமும் பிரட்டி எடுத்து அடுப்பில் உள்ள தோசைக்கல்லில் எண்ணெய் விட்டு பொரித்தெடுக்கவும்.
•     அடுப்பின் தணலைக் குறைவாகப் பயன்படுத்தினால் மசாலா நன்கு சேர்ந்து, மொறு மொறு, மீன் வறுவல் கிடைக்கும்.
•     இந்த முறையில் தயாரிக்கப்படும் மீன் வறுவல் தனியாக சாப்பிடவும் சுவையாக இருக்கும்.

நாம் வாழ்வதற்கு தேவையான மிக முக்கியமான ஒன்று சாப்பாடு! அதை தேவையான அளவு மற்றும் சரியான நேரத்தில் சாப்பிட்டால்... 
ஆரோக்கியமே !!!😎😎😎😎