குலாப் ஜாமூன்

குலாப் ஜாமூன்

 அனைவரும் விரும்ப கூடிய இனிப்பு வகைகளில் இதுவும் ஒன்று ,
இதை சரியான முறையில் செய்தால் மிகவும் சுவையாக இருக்கும்
பொதுவாக மக்கள் தீபாவளி க்கு தான் செய்து சாப்பிடுவார்கள் ,குழந்தைகள் விரும்பி சாப்பிடும் இனிப்பு இது .

தேவையான பொருள்கள்:

பால் பவுடர் - 2 1/2 கப்

பால் - தேவையான அளவு (கலப்பதற்கு)

நெய்  - 2 மேசைக்கரண்டி

சர்க்கரை - 5 கப்

பேக்கிங் பவுடர் - சிறிது

மைதா மாவு - 2 மேசைக்கரண்டி

எண்ணெய்  - அரை கப் (பொரிப்பதற்கு)


செய்முறை :

• முதலில், பால் பவுடருடன் மைதா மாவு, பேக்கிங் பவுடர், நெய் சேர்த்து, தேவைக்கேற்ப பால் சேர்த்து பிசைந்து கொள்ளவும்.

•  பிசைந்த மாவை சிறு உருண்டைகளாக உருட்டி வைக்கவும்.

• ஒரு பாத்திரத்தில் 5 கப் சர்க்கரையைப் போட்டு, அத்துடன் 5 கப் தண்ணீர் ஊற்றிக் கரைத்து அடுப்பில் வைத்து ஒரு கம்பி பதம் வரும் வரை பாகு காய்ச்சவும்.

• மற்றொரு அடுப்பில் வாணலியை வைத்து நெய் அல்லது எண்ணெய் ஊற்றிக் காயவிடவும். காய்ந்ததும் உருட்டி வைத்துள்ள உருண்டைகளைப் போட்டு சிவக்க பொரித்தெடுத்து சர்க்கரைப் பாகில் போடவும். அனைத்து உருண்டைகளையும் போட்ட பிறகு, 5 நிமிடங்கள் கழித்து பாகு இருக்கும் அடுப்பை அணைக்கவும்.

• இப்போது ருசியான குலாப் ஜாமுன் தயார். குறைந்தது 3 - 4 மணி நேரம் வரை குலாப் ஜாமூன் பாகில் ஊற வேண்டும்.